Það þýddi ekkert annað en að taka smá streetball áður en góða veðrið hætti, enda er það orðið langt síðan maður hefur spilað útibolta. Við strákarnir erum vanir að spila á velli í Kongens Have sem er stór almenningsgarður niðri í miðbæ. Þar eru vanalega hinir og þessir að spila og stundum er skipt í lið og spilað á allan völlinn. Í dag lenti ég svo í því að spila á móti Rune Klahn, sem er "heimsfrægur" í danmörku fyrir sín frekar villtu og viðbjóðslega fyndnu stand up show. Það var bara ég sem kannaðist við hann af öllum íslensku strákunum sem voru að spila í dag svo að kannski finnst fólki það ekkert merkileg :)......en það sem að er merkilegast við þetta allt saman er það að þeir sem þekkja til hans vita kannski hvernig maðurinn er vaxinn, og er hann til að gera langa sögu stutta það ekki. En honum tókst samt sem áður að blokka mig 2-3 í dag sem er alltaf jafn niðurlægjandi in the game of basketball!

Það er líka orðið langt síðan ég henti línum hingað inn og það helsta sem gerst hefur hjá mér er eftirfarandi:

- Ég er að flytja heim í lok júní í sumar þar sem að ég hef fengið samning á Íslandi hjá Glerauganu sem er staðsett í einu af bláu húsunum við Faxafen.

- Ég er orðinn gamall kall því að ég á barn sem er 5 ára.....!! Takk fyrir það :) Patrekur Leó átti afmæli þann 5. maí og ég verð 27 ára gamall þann 15. maí og hlakka ég ógeðslega mikið til að geta verið meira með honum.

- Nú fer prófatíminn að bresta á bráðum, slatti af prófum næstu vikur og stóra lokaprófið er svo þann 7. júní.

- Ég fór heim um páskana í fyrsta skiptið síðan ég flutti hingað út og ég get ekki annað sagt en að ég hafi haft það allt of notalegt. Þetta var eiginlega nákvæmlega eins og um jólin, algjör afslöppun og eilíft át, og auðvitað leið tíminn allt of fljótt.

- Ég skrapp til Odense fyrstu helgina í apríl í afmæli til Ragnhildar og fleiri. Það er jú auðvitað alltaf jafn gaman að kíkja í "sveitina" og heilsa upp Mána. Það var hin besta skemmtun og það er sjaldan sem að maður byrjar að sötra bjór upp úr klukkan þrjú :) . Sem auðvitað endaði sem að maður gafst snemma upp. Tusund tak!

Annars held ég svei mér þá að lítað annað hafi gerst hjá mér upp á síðkastið.

Það er sem er á döfinni er eftirfarandi:

- Reyna að sleikja sólina eins mikið og hægt, grilla og spila streetball áður en góða veðrið hættir. Það lítur því miður  út fyrir það að það verði nú um helgina sem.....

- Slæmt fyrir Bjössa og vinnufélaga hans sem eru að koma á árshátið með Skjá Einum á föstudag. Maður vonar að hann láti það ekki bögga sig og geri það besta úr ferðinni. Ef ég hef heyrt rétt, þá kemur Gummi líka il köben frá Odense um helgina, og þá er nú vona á dúndur fjöri.

- Helgina þar á eftir verður lokahófa hjá körfunni/Eurovision pary. Það á bara eftir að vera dauði og djöfull með öfurölvun sem fylgir alltaf svona samkomum.

- Næstu tvær helgar á eftir lokahófinu fæ ég aftur heimsókn, þannig að það er nóg að gerast þennan mánuðinn.

Þá er bara að vona að allt gangi smooth og fara að horfa á  24.